АСТАНА. ҚазАқпарат - Қазақстанның бірінші, әлемнің 26-ракеткасы Елена Рыбакина Сан-Диего (АҚШ) WTA 500 турниріне қатысады, деп хабарлайды ҚазАқпарат тілшісі.
Қазақстандық теннисші алғашқы айналымда әлемнің бұрынғы бірінші ракеткасы, «Үлкен дулыға» турнирінің екі дүркін чемпионы, қазір дүниежүзілік рейтингіде 13-орында тұрған испаниялық Гарбинье Мугурусамен ойнайды.
Биыл Е.Рыбакина Цинциннати додасында Г.Мугурусаны 6:3, 6:1 есебімен ұтқан болатын.
Тағы бір қазақстандық, әлемнің 47-ракеткасы Юлия Путинцева Сан-Диегода іріктеу сайыстарынан аса алмады.
Ю.Путинцева іріктеу сайыстарының жартылай финалында рейтингіде 195-сатыдағы америкалық Луиза Чирикоға жол берді - 5:7, 6:1, 4:6.
Еске сала кетейік, теннисші Тимофей Скатов Италиядағы турнирдің финалына шықты.
Новак Джокович Астана жарысының финалында өнер көрсетеді.
Сондай-ақ Елена Рыбакина Чехиядағы турнирдің финалына өте алмады.
Фото: sports.kz
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).