НҰР-СҰЛТАН. ҚазАқпарат – Қазақстандық Елена Рыбакина үздік қырық теннисшінің қатарына енді, деп хабарлайды ҚазАқпарат тілшісі.
Бүгін жаңартылған дүниежүзілік рейтингте 20 жасар теннисші 43-тен 37-орынға көтерілді.
Бұған Е.Рыбакинаның Люксембургте табысты өнер көрсетіп, жартылай финалға дейін жетуі мүмкіндік берді.
Қарқынын биыл қатты үдеткен Елена Қазақстанның бірінші ракеткасы Юлия Путинцеваға рейтингте жақындап келеді. Ю.Путинцева 34-сатыда тұр.
Тағы бір қазақстандық Зарина Дияс 78-ден 79-ға сырғыды.
Еске сала кетейік, бұдан бұрын Е.Рыбакинаның Люксембург турнирінің финалына шыға алмағанын, ал А.Бубликтің Венада негізгі жарысқа өтпегенін жазған болатынбыз.
Осы аптада қазақстандық Михаил Кукушкин Вена додасында өнер көрсетеді. Ол алғашқы айналымда хорватиялық Борна Чоричпен күш сынасады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).