ОРАЛ. ҚазАқпарат - Бүгін Батыс Қазақстан облысында Ұлы Отан соғысының ардагерлері де дауыс беріп, өз таңдауларын жасады. Соның бірі - Қазталов ауданы Жалпақтал ауылында тұратын майдангер Жұмат Сәрсембиев.
Жасы 93-ке келгеніне қарамастан, ақсақал ерте тұрып, сайлау учаскесіне келіп, алғашқылардың қатарында дауыс берді.
«Сайлау учаскесі мерзімінде ашылып, бәрі ойдағыдай басталды. Сайлау заңға сәйкес өтуде. Халықтың белсенділігі жоғары. Біз сұрапыл соғысты, одан кейінгі қиыншылықты көрдік. Еліміз ата-бабаларымыз аңсап өткен азаттыққа қол жеткізді. Осының өзі - үлкен бақыт. Жұртымыз тыныш, жастар аман болсын», деді ардагер.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).