А. Мәминнің айтуынша, ҚТЖ Үкіметтің тапсырмасына сәйкес индустрияландыру бағдарламасы бойынша бірқатар ірі жобаларды әзірледі. «Оларға сәйкес, егер 2008 жылы теміржол көлігін құрастырудың түр-түрінің барлық көлемі 8 миллиардқа жуық теңгені құраған болса, біздің жоспарларымыз бойынша 2014 жылға қарай теміржол көлігін құрастырудың жалпы көлемі жылына 300 млрд. теңгеге жетеді. Яғни, 5 жылдың ішінде өсім бірден 30 есеге артады»,-деді ол.
А. Мәминнің сөзіне қарағанда, мұндай қарқын бүтін бір жаңа саланы құрумен тең. «Оған ондаған ірі жобалар енеді. Біздің әріптестеріміз «Дженерал-электрик», «Тальго», «Сименс» сияқты әлемдік шетелдік компаниялар. Онымен бірге кіші және орта кәсіпорындар құрылып, мыңдаған жаңа жұмыс орындары ашылады»,-деді ҚТЖ басшысы.