АСТАНА. 29 наурыз. ҚазАқпарат /Руслан Ғаббасов/ - Елімізде алдағы 3 жылда 90 балабақша салынады. Бұл туралы бүгін Үкімет отырысында Білім және ғылым министрі Бақытжан Жұмағұлов мәлім етті.
«Алдағы 3 жылда 90 балабақша салынуы қажет. Одан басқа 2015 жылға дейін 615 шағын орталық пен 163 жеке меншік балабақша ашылады»,-деді министр.
Б. Жұмағұловтың сөзіне қарағанда, бұрын жеке меншікте болған 118 және коммуналдық меншікте болған ғимараттарды босату есебінен 154 балабақша қайтарылады.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.