АСТАНА. ҚазАқпарат – Қазақстандағы 4 мәдени ұйымның шығындарын мемлекет тарапынан субсидиялау көлемі артуы мүмкін. Бұл туралы «Ашық» НҚА порталында жарияланған Туризм индустриясы комитеті тқрағасының бұйрығында көрсетілген, деп хабарлайды ҚазАқпарат тілшісі.
«Наталия Сац атындағы Орыс мемлекеттік академиялық балалар мен жасөспірімдер театрына бөлінетін субсидия 85-тен 86%-ға өседі. Роза Бағланова атындағы «Қазақконцерт» мемлекеттік концерттік ұйымының шығыстарын субсидиялау 91-ден 92%-ға артады. Ал Қалибек Қуанышбаев атындағы мемлекеттік академиялық қазақ музыкалық драма театры мен ҚР Ұлттық музейіне бөлінетін субсидия 94,8-ден 95%-ға ұлғаяды», - деп жазылған құжатта.
Бұйрықты ашық талқылау 3 ақпанға дейін жалғасады.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.