Елімізде мемлекеттік аудиттің кешенді жүйесі құрылатын болады - Мәжіліс

АСТАНА. ҚазАқпарат - Бүгін Парламент Мәжілісінің жалпы отырысында палата депутаттары «Мемлекеттік аудит және қаржылық бақылау туралы» заң жобасын екінші оқылымда мақұлдады. Құжат Елбасының «100 нақты қадам» Ұлт жоспарындағы тапсырмаларын іске асыруға бағытталады.

Заң жобасының басты мақсаты - қаржылық бақылаудың құқықтық қолдану тәжірибесін ескере отырып, мемлекеттік аудиттің кешенді жүйесін құру. Жобаны әзірлеу барысында Экономикалық ынтымақтастық және даму ұйымының мүше мемлекеттерінің тәжірибесі талданды. Тұтастай алғанда заң жобасы арқылы Қазақстан халықаралық кәсіби аудит стандарттарын енгізетін болады. Сонымен қатар, мемлекеттік аудит түрлері бойынша тиімділік аудитіне, қаржылық есептілік аудитіне және сәйкестік аудитіне бөлінеді. Оның ішінде мемлекеттік аудиттың өзі сыртқы және ішкі аудитке бөлінеді. Тұтастай алғанда, заң жобасын қабылдау мемлекеттік аудиторларға қойылатын біліктілік талаптарына, сондай-ақ олардың тәуелсіздігіне кепілдік береді.

Мәжіліс мақұлдаған заң жобасы Сенатқа жолданады.