«Осы айдың басында агенттік үздік журналистік жұмысқа байқау жариялады. Ол «Үздік телевизиялық жұмыс», «Үздік баспа жарияланымы», «Үздік интернет жарияланымы» аталымдары бойынша өтеді. Байқау қорытындысын келесі айдың соңында шығаруды жоспарлап отырмыз», - деді ол.
А.Көмекбаевтың сөзіне қарағанда, байқауға материалдар осы айдың соңына дейін қабылданатын болады. Оған 2015 жылғы 1 қаңтардан 30 қарашаға дейін БАҚ-тарда жарияланған мақалалар, теледидардан шығарылған бейнематериалдар мен арнайы бағдарламалар циклдері жіберіледі.
Аталған іс-шараның негізгі мақсаты - бұқаралық ақпарат құралдарының үздік жариялымдары арқылы қоғамдық санаға әсер етіп, жұртшылықтың сыбайлас жемқорлыққа қарсы мәдениетін жоғарлату және құқық бұзушылықтарға мүлдем төзбеушілік ахуалын қалыптастыру. Байқауға республикалық және облыстық БАҚ-тар, интернет-порталдардың редакциялары, сондай-ақ жекелеген авторлар, журналисттер қатыса алады.