18:19, 16 Қаңтар 2014

Еліміздің үш облыс аумағындағы республикалық жолдарда көлік қозғалысы жанданды

АСТАНА. 16 қаңтар. ҚазАқпарат - Үш облыс аумағындағы республикалық жолдарда көлік қозғалысы жанданды. Осы жолдарда боранға байланысты көлік қозғалысы шектелген болатын. Бұл туралы бүгін «Қазақавтожол» РМК баспасөз қызметінен хабарланды.

Атап айтқанда, Қостанай облысы аумағындағы боранға байланысты кешеден бері «Жезқазған-Петропавл» жолының 255-377 шақырымындағы Қарағанды облысы шекарасы мен Ақмола облысы аралығында жабық тұрған еді. Сағат 15:00-ден бастап бұл жолда көлік қозғалысы қалыпты тәртіпті жүзеге асырылуда.

Сонымен қатар Жамбыл облысында бүгін сағат 11:30-дан бері «Алматы-Ташкент-Термез» жолының 536-593 шақырымындағы Айша бибі ауылы мен ОҚО шекарасы аралығында жол жабылды. Сағат 15:50-де бұл жол ашылды.

Бұдан бөлек бүгін түсте ОҚО аумағындағы «Алматы-Ташкент-Термез» жолының 593-611 шақырымындағы Жамбыл облысы шекарасы мен Ақбиік ауылы аралығында жол жабылды. Сағат 16:00-ден бастап бұл жолдағы көлік қозғалысы жанданды.

Ауа райы Басқа мемлекеттік органдар Басқа меморгандар Көлік

Руслан Ғаббасов

Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.