Елисей сарайы Парижде Украина бойынша өткен келіссөзге оң баға берді

АСТАНА. KAZINFORM – Елисей сарайының мәлімдеуінше, бейсенбі күні Парижде АҚШ-тың жоғары лауазымды өкілдерінің қатысуымен өткен Украина бойынша талқылау «өте тамаша» өтті, деп хабарлайды Kazinform меншікті тілшісі. 

Бір күн бұрын Франция президенті Эмманюэль Макрон Париждегі Елисей сарайында АҚШ мемлекеттік хатшысы Марко Рубионы қабылдады.

Франция америкалықтар, украиндар, француздар, британдықтар және немістер арасында «бұрын-соңды болмаған» форматта Украинаға қатысты «тамаша пікір алмасуды» құптады. Кездесу Киев пен Мәскеу арасындағы «берік бейбітшілік» туралы «келісімге қол жеткізуге мүмкіндік берді, деп атап өтті France24.

— Бүгін Парижде біз еуропалықтар қатысып отырған оң процесті бастадық, — деп құттықтады Франция төрағалығы Э.Макрон, АҚШ Мемлекеттік хатшысы М.Рубио және Дональд Трамптың арнайы өкілі С. Уиткофпен бірқатар кездесуден кейін.

Осы бес елдің елшілерінің жаңа кездесуі келесі аптада Лондонда жоспарланған, оған сондай-ақ С. Уиткофф та қатысады. 

Макрон кеңесшісінің айтуынша, Украина мен Еуропаның ресми тұлғалары «Президент Дональд Трамптың Украинадағы соғысты мүмкіндігінше тезірек тоқтату мақсатын» және «атысты мүмкіндігінше тез арада толық тоқтату қажеттілігін» «ортақ қолдайтынын» атап өтті.

— Атысты тоқтату келісімі «Ресей басып алған Украина аумақтарын ескере отырып, қазіргі жағдайдағы байланыс сызығына (майдан сызығы) негізделуі» тиіс, — деп мәлімдеді Елисей сарайы. 

Мемлекеттік департамент мәлімдемесіне сәйкес, АҚШ Мемлекеттік хатшысы Марко Рубио кешкісін ресейлік әріптесі Сергей Лавровқа телефон шалып, оны Париждегі келіссөз туралы хабардар етіп, егер екі тарап келісімге келуге міндеттелсе, «бейбітшілік орнауы мүмкін» деп баса айтты.

Еске сала кетсек, наурых айының соңында Парижде Эмманюэль Макрон мен Владимир Зеленский кездескенін жазған болатынбыз.