АСТАНА. KAZINFORM — ҚР Өнеркәсіп және құрылыс министрі Ерсайын Нағаспаев Үкімет отырысынан кейінгі брифингте Қазақстанда өндірілген автокөліктердің бағасы төмендегенін мәлімдеді.
— Автокөлік бағасы төмендеп келеді. Бұл — жақсы үрдіс. Қолымда статистика бар. Қазақстанда өндірілген автокөліктер бағасының өзгеру динамикасын талдадық. 2025 жылдың қорытындысы бойынша олардың бағасы шамамен 5% төмендеді, — деді Ерсайын Нағаспаев Үкіметтегі брифинг барысында.
Сонымен қатар, министрдің айтуынша, шетелде өндірілген автокөліктердің бағасы, керісінше, аздап өскен.
Айта кетейік, бұған дейін былтыр елімізде 171 400 автокөлік шығарылғанын жазғанбыз.
Алпамыс Файзолла
Әл-Фараби атындағы ҚазҰУ журналистика факультетінің түлегі. Л.Н. Гумилев атындағы ЕҰУ-де қазақ тілі мен әдебиеті бойынша магистратураны бітірген. Сондай-ақ, Ұлыбританиядағы Абердин университетінде магистратурада оқыған. Республикалық телеарналарда қызмет атқарған. 2026 жылдан бастап «ҚазАқпарат» халықаралық ақпарат агенттігінің тілшісі.