Елімізде дәрі-дәрмек бағасы төмендейді

АСТАНА. KAZINFORM  - Денсаулық сақтау министрлігі Қазақстанда дәрі-дәрмекпен қамтамасыз ету жүйесі өзгеріп жатқанын мәлімдеді.

Мемлекет дәрі-дәрмектің шекті бағасын төмендетеді, дәрі-дәрмектерді тіркеуді жеңілдетеді, нарықтағы сапаны бақылауды күшейтеді және госпиталдық фармацияның жаңа стандарттарын енгізеді.

Бұл шаралар дәрі-дәрмектерді пациенттер үшін қолжетімді және қауіпсіз етуге, сондай-ақ бюджет қаражатын тиімді пайдалануға мүмкіндік береді.

Бағалар мен үнемдеу: 

- баға белгілеу тетігі халық үшін қолжетімділік жағына қарай қайта қаралды;

- генериктерге шекті бағалар

- түпнұсқаның құнынан 30%-ға дейін төмендетілді;

- шілде айында бөлшек саудаға, көтерме саудаға және ТМККК/МӘМС жүйесіне арналған дәрі-дәрмектердің жаңа бағасы бекітілді.

Нәтижесінде:

• ТМККК және МӘМС шеңберінде 15%-ға,

• бөлшек және көтерме сегменттерде 26%-ға дейін төмендеу болжанып отыр.

Дәрі-дәрмектерді тіркеу:

- «бірыңғай терезе» қызметі енгізілді;

- тіркеу мерзімі қысқартылды:

210-нан 100 жұмыс күніне дейін;

- реттеуші беделі жоғары елдер үшін (АҚШ, ЕО, Ұлыбритания, Жапония) 15 жұмыс күні ішінде тіркелу

Сапаны бақылау:

- жыл сайын қауіпке бағдарланған тәсіл бойынша дәрі-дәрмектер мен медициналық бұйымдар нарығынан таңдап іріктеу жүргізіледі;

- мақсат - іріктеуді қамтуды 100%-ға дейін жеткізу. 

Госпиталдық фармация:

– дәрілік заттардың сапасы мен ұтымды пайдаланылуын бақылау үшін клиникалық фармакология және госпиталдық фармация бөлімшелері ашылады;

– 2026 жылдың соңына дейін 170 бөлімше ашу жоспарланып отыр (қазір 99 бөлімше жұмыс істейді);

– бірқатар медициналық ұйымдарда дәрі-дәрмекпен қамтамасыз етудің тиімділігі 46%-ға дейін өсті.

Қазақстандықтар күніне қанша дәрі сатып алатынын жазған болатынбыз.