АСТАНА. KAZINFORM — Қазақстанда жұмыспен қамтудың белсенді шараларына тартылған атаулы әлеуметтік көмек алушылар саны 2021-2025 жылдар аралығында екі еседен астам азайды. Бұл туралы Еңбек және халықты әлеуметтік қорғау министрлігі Kazinform агенттігінің ресми сауалына берген жауабында мәлімдеді.
Министрлік деректеріне сәйкес, 2021 жылы жұмыспен қамтудың белсенді шараларына 27,5 мың адам тартылған. 2022 жылы олардың саны 31,7 мың адамға жеткен.
— 2023 жылы бұл көрсеткіш 27,2 мың адамды құраса, 2024 жылы 17,6 мың адамға дейін төмендеді. Ал 2025 жылы жұмыспен қамту шараларына 12,6 мың адам қатысты, — делінген жауапта.
Ведомствоның мәліметінше, бұл бағытта еңбекке қабілетті әлеуметтік көмек алушыларды жұмысқа орналастыру, кәсіптік оқыту және кәсіпкерлік бастамаларын қолдау шаралары жүзеге асырылған.
Аталған шаралар әлеуметтік көмек алатын отбасылардың табысын арттыруға бағытталған.
Айта кетейік, Ал 2026 жылғы 1 қазандағы жағдай бойынша 41 252 отбасындағы 222 312 адамға атаулы әлеуметтік көмек тағайындалды.
Назерке Сүйіндік
Әл-Фараби атындағы Қазақ ұлттық университетінің түлегі. Ұлыбританиядағы Sussex университетінде магистр дәрежесін алған. Л.Н. Гумилев атындағы ЕҰУ-дің саясаттану мамандығы бойынша PhD докторанты. Бұған дейін BAQ.kz, Strategy2050.kz, QazaqTimes.kz секілді ақпараттық платформаларда жұмыс істеген. Қазір «ҚазАқпарат» халықаралық ақпарат агенттігінің тілшісі. Халықаралық саясат, дипломатия, медиа, ақпараттық саясат және қоғамдық-саяси мәселелерді тұрақты түрде жазып келеді.