АСТАНА. KAZINFORM — Microsoft операциялық жүйесінің жаһандық істен шығуына байланысты, бірқатар елдерде әуежайлар мен IT-сервистердің жұмыстарында ақаулық байқалып отыр. ҚР Цифрлық даму, инновациялар және аэроғарыш өнеркәсібі министрлігінің баспасөз қызметі осы мәселеге қатысты мәлімдеме жасады.
«Қазіргі уақытта елдің маңызды инфрақұрылымдары мен мемлекеттік IT-сервистерінің жұмысында ешқандай ақаулар тіркелмеген. Шағымдар түскен жоқ, барлық жүйелер қалыпты режимде жұмыс істеп тұр. Цифрлық даму министрлігі жағдайды бақылауда ұстап отыр», — делінген хабарламада.
Назар аударып, сабыр сақтағандарыңыз үшін алғыс білдіреміз.
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)