АСТАНА. KAZINFORM – Жүргізушісіз такси ілкі жобасын жүзеге асыруға дайындық жалғасып жатыр. Бұл жөнінде Премьер-министрдің орынбасары — Жасанды интеллект министрі Жаслан Мәдиев мәлімдеді.
Оның сөзінше, жоба Yandex және inDrive компанияларымен бірлесіп атқарылады.
— Қазір қажетті реттеуші базаны әзірлеу бойынша жұмыс жүргізіліп жатыр. Ол алдағы уақытта технологияны елдің өзге қалаларына енгізуге мүмкіндік береді, — деді Жаслан Мәдиев.
Ілкі жоба үш қалада – Астанада, Алматыда және Қосшыда іске асырылатыны белгілі.
Жүргізушісіз такси жүйесін тестілеу 2026 жылдың соңына дейін жалғасады.
Айта кетейік, бұған дейін Алатауда аэротакси қашан қолданысқа берілетінін жазғанбыз.
Алпамыс Файзолла
Әл-Фараби атындағы ҚазҰУ журналистика факультетінің түлегі. Л.Н. Гумилев атындағы ЕҰУ-де қазақ тілі мен әдебиеті бойынша магистратураны бітірген. Сондай-ақ, Ұлыбританиядағы Абердин университетінде магистратурада оқыған. Республикалық телеарналарда қызмет атқарған. 2026 жылдан бастап «ҚазАқпарат» халықаралық ақпарат агенттігінің тілшісі.