Еліміздің үш облысында жол жабылды

Фото: Kazinform

АСТАНА. KAZINFORM — Еріген қар сулардың салдарынан Ақтөбе және Қостанай, Солтүстік Қазақстан облыстарында жол қозғалысына шектеу қойылды. Бұл туралы ҚазАвтоЖол мәлімдеді.

22 наурыз сағат 08:00 жағдай бойынша еріген қар сулардың салдарынан 3 облыстағы 3 республикалық маңызы бар автомобиль жолдарында көлік қозғалысына шектеу қойылды.

Ақтөбе облысында  «Қандыағаш — Ембі- Шалқар — Ырғыз» автожолының 3-92 шақырым аралығы (Қандыағаш қаласы — Ембі қаласы).

Қостанай облысында «Мариновка ауылына кіреберіс» автожолының 9 шақырым аралығы.

Солтүстік Қазақстан облысында «Петропавл қаласының айналма жолы» автожолының 4-7 шақырымы аралығында (Қожаберген жырау айналма жолынан Есіл өзені арқылы өтетін көпірге дейін).

— Барлық учаскеде айналма жолдар қарастырылған. Қазіргі таңда республикалық жолдарды күтіп-ұстауға 105 арнайы техника мен 158 маман жұмылдырылды, — делінген ҚазАвтоЖол хабарламасында.

Айта кетелік еліміздің бірқатар өңірінде дауылды ескерту жарияланған еді.