Астана қаласының қоғамдық денсаулық сақтау басқармасының мәліметінше, зардап шеккен азамат жансақтау және қарқынды терапия бөлімінде ем алып жатыр.
- Науқастың жағдайы ауыр, бірақ тұрақты. Қазір оған барлық қажетті медициналық көмек көрсетіліп жатыр, – деп хабарлады басқарманың баспасөз қызметінен.
Естеріңізге сала кетсек, Астананың Сарайшық ауданында тұрғын үй кешенінің жанындағы автотұрақта бес жеңіл автокөлік өртенді.
Құтқарушылардың алғашқы бөлімшелері оқиға орнына жеткен кезде, көліктердің барлығы ашық жалынмен жанып жатқан. Қатты желдің салдарынан жалын бір-біріне жақын тұрған көліктерге тез тараған.