АСТАНА. ҚазАқпарат - Бокстан халықаралық Elorda Cup турнирінде еліміздің ерлер құрамасы медальдар кестесінде бірінші орын алды, деп хабарлайды ҚазАқпарат тілшісі.
Халықаралық турнирде барлығы 10 елден 200-ден астам спортшы жарыс медаліне таласты.
Олардың арасында Өзбекстан, Қытай, Үндістан, Моңғолия және өзге де мемлекеттердің өкілдері бар.
Ел құрамасынан сегіз боксшы жеңіс тұғырына көтерілді.
Олар - Теміртас Жүсіпов (48 келі), Сәкен Бибосынов (51 келі), Тимур Қабдеш (54 келі), Махмуд Сабырхан (57 келі), Ертуған Зейнуллинов (63,5 келі), Нұрқанат Райыс (75 келі), Абзал Құттыбеков (86 келі) және Сағындық Тоғамбай (92 келі).
Халықаралық турнирде өзбекстандық боксшылар үш «алтын» алса, біреуі Тәжікстан спортшысына бұйырды.
Еске салсақ, аталған турнирде Қазақстан қыздар құрамасы сегіз «алтын» медаль алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.