Елорда сотының баспасөз қызметінен мәлім еткендей, 2018 жылдың қыркүйек айында «Сарыарқа» сауда, ойын-сауық орталығында орналасқан зообақта маймыл 6 жастағы қыз баланы тістеп алған.
Сот-медициналық сараптама жұмысының қорытындысына сай, денеге түскен жарақат - денсаулыққа келтірілген жеңіл зақым ретінде айқындалған. Қыз баланың әкесі зообақтан моральдық шығын өндіру үшін сотқа арызданған.
«Есіл аудандық сотының шешімімен арыз талабы ішінара қанағаттандырылды. Зообақтан моральдық шығын есебінде 50 мың теңге өндіріліп алынды», - делінген хабарламада.
Сот шешімі күшіне енген жоқ.