Елорданың қоғамдық денсаулық сақтау басқармасы 2021 жылы атқарылған шаруалар туралы айтып, емдеу-профилактикалық іс-шаралары туралы түсіндірді. Сонымен қатар медициналық ұйымдардағы осы бағытта жүргізіліп жатқан жұмыстарға баға берді.
«2021 жылдың қорытындысы бойынша елордада өткен жылмен салыстырғанда қатерлі ісіктермен сырқаттанушылықтың 9%-ға өсуі байқалады (163,9-дан 180,1-ге дейін). Онкологиялық ауруларды ерте анықтаудың маңызды кезеңдерінің бірі тексеру кабинеттерінің болуы және сапалы жұмысы болып
саналады. Көптеген жекеменшік ұйымда әйелдер мен ерлерді тексеретін кабинеттері жоқ. Мұның негізгі себептері – тексеру кабинеттерін ашу үшін аталған ұйымдарда тиісті орындардың болмауы, сондай-ақ мемлекеттік емес ұйымдар басшылары тарапынан тапсырмалардың орындалмауы», - деп атап өтті
басқарма басшысының орынбасары Әлия Рүстемова.
Ведомство қала тұрғындары арасында қан айналымы жүйесі ауруларымен сырқаттану азайғанын хабарлады. Бұл көрсеткіш өткен жылмен салыстырғанда 15%-ға төмендеді және 100 мың тұрғынға шаққанда 2020 жылмен (3223,4)
салыстырғанда 2736,7-ні құрады.
Осылайша МСАК деңгейінде ауруларды анықтау бойынша жұмысты бір жолға қою, анықталған пациенттерді есепке алу және оларға динамикалық
бақылау жүргізу тапсырылды.