НҰР-СҰЛТАН. ҚазАқпарат - Елордада оқу жылының екінші тоқсаны басталғаннан кейін 6 мектеп екі апталық карантинге жабылды. Мұндай ақпаратты Нұр-Сұлтан қалалық білім басқармасы растады, деп хабарлайды ҚазАқпарат тілшісі.
«Бір бала ауырса бүкіл мектепті жабу туралы шешім осы екінші тоқсанға байланысты қабылданған. Алғашқы тоқсанда мектеп жабылған жоқ. Тек бала ауырған сынып қана карантинге кететін», - деді білім басқармасынан.
Еске сала кетейік, біз бұған дейін Нұр-Сұлтан қаласының бас мемлекеттік санитар дәрігері Жанна Прәлиеваның коронавирус инфекциясының таралуына қарсы жаңа қаулы шығарғанын жазған болатынбыз.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.