Синоптиктердің болжамынша, алдағы күндері ауа райы жылы болады, өткінші жаңбыр жауады.
«Дүйсенбі күні Астанада күн ала бұлтты, өткінші жаңбыр жауады, күн күркірейді. Батыстан 9-14 м/с жылдамдықпен жел соғады. Ауа температурасы түнде 13 15°C, күндіз 21 23°C болады» деп хабарланды Қазгидрометтен.
Сейсенбі күні елордада күндіз аздап жаңбыр жауады, күн күркірейді, көшпелі бұлт шығады. Шығыстан 9-14 м/с жылдамдықпен жел соғады. Ауа температурасы түнде 13 15°C, күндіз 21 23°C болады.
Аптаның ортасында жауын-шашын жаумайды, күн ала бұлтты болады. Шығыстан 9-14 м/с жылдамдықпен жел соғады. Ауа температурасы түнде 13 15°C, күндіз 23 25°C-ге дейін жетпек.
Бейсенбі күні күн ала бұлтты болады, жаңбыр жаумайды. Шығыстан 9-14 м/с жел соғады. Ауа температурасы түнде 13 15°C, күндіз 23 25°C болады.
Жұма күні синоптиктердің болжамынша көшпелі бұлт шығады, жауын-шашынсыз болады. Шығыстан 9-14 м/с жел соғады. Ауа температурасы түнде 13 15°C, күндіз 23 25°C-ге дейін жетеді.