АСТАНА. 17 шілде. ҚазАқпарат - Қазақстан астанасы бірнеше күн бойы тағы да авторлық әндер орталығына айналмақ. Астанада 26-28 шілде аралығында жыл сайын ұйымдастырылып келе жатқан «Астана-2013» халықаралық авторлық әндер фестивалі өтеді. Бұл туралы елорданың ресми сайтынан хабарланды.
Ауқымы мен өткізілу деңгейі жағынан аталған фестиваль ТМД-дағы ең маңызды іс-шара болып табылады. 1999 жылы фестиваль халықаралық деген атауға ие болды.
Биыл байқауға қатысу үшін Астанаға еліміздің әр аймағынан, сондай-ақ Ресей қалаларының өкілдері келеді.
Фестивальдің ұйымдастырушысы - Астана қаласының әкімдігі.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.