деп хабарлайды ҚазАқпарат ҚР Президенттік мәдениет орталығына сілтеме жасап.
Бұл шараға ҚР Мәдениет және ақпарат министрлігі Тіл комитетінің төрағасы Ербол Шаймерден, профессор Хангелді Әбжанов, Астана қаласындағы Әлкей Марғұлан атындағы №40 мектептің директоры Ербол Исламұлы және «Нұр Отан» ХДП өкілдері, журналистер шақырылып отыр. Мерекелік шара аясында Орталықтың негізгі кітап қорынан «30 тамыз - Қазақстан Республикасының Конституциясы күні» деген атпен үш бөлімнен тұратын кітап көрмесі ұйымдастырылып, ҚР Президентінің телерадиокешені түсірген «Конституция мұраттары» деректі фильмінен үзінділер көрсетіледі. Кітап көрмесі тамыздың 31-іне дейін жалғасады.
Мерекелік іс-шараның мақсаты - еліміздің Бас заңының қалыптасу тарихы, мәні мен маңызы, ұлттық болмысымызды бейнелеген заңдық қағидалар мен өркениеттіліктің заңдық ережелерін жас ұрпақтың бойына сіңіру; еліміздің Ата заңы - замананың тыныс-тіршілігі мен күретамыр лүпілі бірге соғып тұрған, өз елінің асыл мұраты мен арман-аңсарларына қалтқысыз қызмет ететін қасиетті құжаты болғандықтан, ҚР Конституциясын құрметтеу мемлекеттің әр азаматының қасиетті борышы екенін дәріптеу; тарихи танымын кеңейту, патриоттық тәрбиені насихаттау болып табылады.