«Иманов, Кенесары көшелері мен Алаш тас жолы бойында пайдалануға жаңа тұрғын үйлер мен сауда кешендерінің берілуіне байланысты Астана қаласының Жолаушылар көлігі және автомобиль жолдары басқармасы №2, №24 және №129 автобус бағдарларының қозғалыс сызбасына өзгеріс енгізуге шешім қабылдады.
Елорданың ресми сайтының жазуынша, өзгерістер биылғы жылдың 9 наурызынан басталып төмендегі тәртіпте жүзеге асырылады:
- № 2 бағдары: «Градкомплекс» аялдамасынан Уәлиханов көшесіндегі «Жаннұр СҮ» аялдамасына дейін өзгеріссіз, одан әрі Уәлиханов көшесіне дейін - Кенесары көшесі -Республика даңғылына дейін - содан кейін бұрынғы қозғалыс сызбасы бойынша. Кері бағытта да осы қозғалыс сызбасы бойынша;
- № 24 бағдары: бастапқы «39 разъезд» пункітінен Уәлиханов көшесіндегі «Жаннұр СҮ» аялдамасына дейін өзгеріссіз. Одан әрі - Иманов к-сі - Янушкевич к-сі -Пушкин к-сі - Тәуелсіздік даңғ - Қажымұкан к-сі - содан кейін бұрынғы қозғалыс бағдары бойынша. Кері бағытта да осы қозғалыс сызбасы бойынша;
- № 129 бағдары: бастапқы «Күйгенжар» пунктінен Кенесары көшесіндегі «Қазақстан СҮ» аялдамасына дейін өзгеріссіз, одан әрі - Жұбанов к-сі (оңға қарай) - Абай даңғ - Пушкин к-сі - Ақжол к-сі - Алаш тас жолы - соңғы аялдама «Биг Шанхай СҮ». Кері бағытта «Көк базарға» кіріп, содан кейін бұрынғы қозғалыс бағдары бойынша жүреді.
Еске салайық, наурыз айынан бері № 30 және № 42 бағдарларының қозғалысы келесі тәртіпте өзгерді:
- №30 бағдары: бастапқы «Сусамыр к-сі» аялдамасынан «Министрліктер үйі» аялдамасына дейін өзгеріссіз, одан әрі - Орынбор к-сінен - Алматы к-сі - Сауран к-сіне дейін одан әрі бұрынғы қозғалыс бағдары бойынша;
- №42 бағдары: бастапқы «Ет комбинаты» пункітінен Қабанбай даңғылы бойындағы «№17 мектеп-гимназия» аялдамасына дейін өзгеріссіз, одан әрі - Сарайшық к-сінен -Түркестан к-сі - Қонаев к-сіне дейін - одан әрі бұрынғы қозғалыс бағдары бойынша.