Іс-шара барысында елордалық оқушылар арасындағы «Қазақстан 2050 оқушылар көзімен» байқауының 7 жеңімпазы мен Гран-при иегерін салтанатты марапаттау рәсімі өтті.
Сонымен қатар, келушілердің назарына 300 адамның қатысуымен кіріспе қойылым ұсынылды. Көрермендер Оқушылар сарайының, «Ренессанс» балет мектебінің және өскемендік «Флэш» тобының 160 шәкіртінің қатысуымен «Бақыт» қойылымын тамашалады. Мұнымен қоса, мерекелік концертте классикалық және халық музыкасы ойналып, 40 жас скрипкашы және Оқушылар сарайынан 40 домбырашы өз өнерлерін ортаға салды.