АСТАНА. ҚазАқпарат - Бүгін елордада «Қазақ хандығының 550 жылдық мерейтойына 550 метр» деген атаумен марафон-флешмоб өтті. Марафон флеш-мобтың ашылу рәсіміне қатысқан Астана қаласы әкімінің орынбасары Ермек Аманшаев барша қазақстандықтарды алдағы ұлы мерекемен құттықтады.
«Биыл Қазақ хандығының 550 жылдығын атап өткелі отырмыз. Ал бүгін елордамызда Елбасымыздың бастамасымен аталып өтілетін еліміз үшін үлкен шараның тұсаукесері өтуде десек те болады», - деді Е.Аманшаев.
Айта кетерлігі, Астана әкімдігінің Қазақстанның Әуесқой триатлон федерациясымен бірлесіп ұйымдастырған шараға елімізге белгілі спортшылар, қоғам қайраткерлері, студенттер мен қала тұрғындары, жалпы 550 адам қатысты.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.