Бұл жайында бүгін қалалық ІІД-де өткен баспасөз мәслихатында белгілі болды, деп хабарлайды ҚазАқпарат.
Астана қалалық ІІД Жасөспірімдер ісі жөніндегі испекцияның бастығы Гүлнәр Өміршенованың айтуынша, іс-шара барысында негізінен алкогольді ішімдікке үйір және нашақорлыққа бейім жасөспірімдер назарға алынып, оларды құқық бұзуға итермелейтін үлкендерді жауапкершілікке тарту көзделген. Сондай-ақ кәмелетке толмаған жасөспірімдерге темекі мен алкоголь өнімдерін сатушыларға да шара қолдану қарастырылған.
«Осы іс-шараның бір күндік қорытындысында кәмелетке толмағандар ісімен айналысатын бөлімнің есебінде тіркелген 146 жасөспірімнің тұрғылықты жері тексерілді. 37 көңіл-көтеру орны, оның ішінде 26 компьютер клубына рейд жасалды. Бір күннің ішінде ішкі істер органына 50 жасөспірім жеткізілсе, оның 30-ы әкімшілік құқық бұзғаны үшін қолға түсті», дейді Г.Өміршенова.
Оның сөзіне қарағанда, түнгі уақытта кәмелетке толмаған балаларды көңіл көтеру орындарына кіргізгені немесе жібергені үшін 5 компьютер клубының иесі және түнгі 10-нан кейін баласы көңіл көтеру орындарында болған 8 ата-ана жауапкершілікке тартылған.