Астана қалалық төтенше жағдайлар департаментінің мәліметінше, бүгін сағат 17:39-да өрт сөндіру бөлімшелері Мәңгілік ел көшесінде көппәтерлі тұрғын үйде өрт шыққаны туралы хабарлама бойынша оқиға орнына аттанған.
«Өрт сөндірушілер оқиға орнына 6 минуттың ішінде жеткен кезде көпқабатты тұрғын үйдің 7-қабатында өрт шыққаны анықталды. Қазіргі кезде өрт орнында елордалық төтенше жағдайлар департаментінің 23 маманы мен 7 техникасы жұмыс істеп жатыр. Тұрғындарды қауіпсіз жерге шығару жұмыстары жүргізілуде. Өрт сағат 18:05-те оқшауланды», - деп атап өтеді департаменттен.
Видеодан алынған кадр