АСТАНА. 1 тамыз. ҚазАқпарат /Марлан Жиембай/ - Елордада ҚР Парламенті Сенаты депутаттығына 3 кандидат тіркелді. Бұл туралы бүгін қалалық сайлау комиссиясының төрағасы Қаршыға Құлмұқанов мәлім етті.
«2011 жылғы 29 шілдеде Қазақстан Республикасы Парламенті Сенаты депутаттығына кандидаттарды ұсыну аяқталды. Астана қаласы бойынша Сенат депутаттығына 7 кандидат ұсынылды. 1 кандидатты қалалық мәслихат сессиясы, ал 6 кандидат өзін-өзі ұсынды», - деді ол.
Оның атап өтуінше, ұсынылған кандидаттардың үшеуі, атап айтқанда Владимир Редкокашин, Сәрсенбай Мыңбаев және Андрей Лапенко тіркеуден өткен.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.