Елордада құлақтандыру дабыл жүйесі іске қосылады
«1 наурызда сағат 16.00-де Нұр-Сұлтан қаласының құлақтандыру жүйелерін теле-радио арналарды қамти отырып, электродабылдарын қосу арқылы тексеру жүргізіледі», - деп жазылған Нұр-Сұлтан қаласы төтенше жағдайлар департаментінің баспасөз қызметі таратқан ақпаратта.
Департамент мамандары аталған дабылды естіген кезде байбалам салудың қажеті жоқ екенін ескертеді.
«Естеріңізге салайық, төтенше жағдай орын алған кезде халықтың назарын аудару үшін электрлік немесе басқа да дабыл құралдары қосылады. Оның мағынасы «Баршаңыздың назарына!» дегенді білдіреді. Бұл дабылды естіген кезде тұрғындар не болып жатқанын білу үшін және қалай әрекет ету қажеттігі туралы нұсқаулар мен ақпарат алу үшін міндетті түрде теледидар, радио сияқты қолжетімді ақпарат қабылдау құралдарын қосуы керек.
Құрметті қала тұрғындары мен қонақтары, Нұр-Сұлтан қаласы төтенше жағдайлар департаменті қала тұрғындарын сабыр сақтауға, үрейленбеуге шақырады», - делінген хабарландыруда.