Елордада Тәшенов тұйық көшесінің учаскесі жабылады
09:08, 04 Маусым 2024
АСТАНА. KAZINFORM – Елордалық Көлік және жол-көлік инфрақұрылымын дамыту басқармасы Ж.Тәшенов көшесінен А.Бараев көшесіне дейінгі учаскеде жол төсемінің жоғарғы қабатын төсеу жұмыстарын жүргізіп жатыр. Бұл туралы Астана әкімдігінің ресми сайты жазды.
Осыған байланысты осы жылдың 4-7 маусымы аралығында жоғарыда аталған учаске толығымен жабылатын болады.
Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұрайды.