НҰР-СҰЛТАН. ҚазАқпарат – Нұр-Сұлтан қаласында үшем дүниеге келді, деп хабарлайды ҚазАқпарат тілшісі.
15 желтоқсан күні №2 көпбейінді қалалық ауруханада 27 жастағы Құндыз Оралжанқызы үшемді дүниеге әкелді. Ел Тәуелсіздігінің 30 жылдығы қарсаңында жарық дүние есіген ашқан нәрестелердің екеуі ұл, біреуі қыз.
Қазір әйелдің де, балалардың да жағдайы жақсы. Бұл жайлы ҚазАқпарат тілшісіне Құндыздың сіңлісі Үміт Оралжан айтып берді.
«Аман-есен босанғанын естігенде қуаныштан төбеміз көкке жетті. Бір отбасы бірден 3 сәбиге толықты. Қазіргі таңда олар ауруханада дәрігерлердің бақылауында. Әзірге қашан шығатындары белгісіз», - деді ол.
Айта кетейік, жас жұбайлар алғаш рет ата-ана атанып отыр.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.