Елордада жерге кезекке тұру және кезекті бақылап отыру онлайн жасалады
17:53, 05 Сәуір 2022
НҰР-СҰЛТАН. ҚазАқпарат - Нұр-Сұлтан қаласының сәулет, қала құрылысы және жер қатынастары басқармасының тағы бір мемлекеттік қызметі автоматтандырылды, деп хабарлайды ҚазАқпарат.
Жеке тұрғын үй құрылысы үшін жер учаскесін алу үшін кезекке қою, сондай-ақ кезекті egov.kz электрондық үкімет порталында қарап отыруға болады.
Басқарма таратқан мәліметке қарағанда к езекке қоюға өтініш беру үшін электрондық цифрлық қолтаңба болуы керек.
Осылайша, үйден шықпай-ақ жеке тұрғын үй құрылысына (10 сотық) жер учаскесін алу үшін кезекке қою және кезегін қарау автоматтандырылды.
Осы уақытқа дейін бұл мемлекеттік қызметті алу үшін басқармаға жүгініп, өтініш беру қажет болатын.