АСТАНА. KAZINFORM – Мәңгілік ел даңғылының бойында Ұлы дала даңғылынан Керей Жәнібек хандар көшесіне дейінгі бөліктегі екі бағытта Bus Lane жолағын іске қосу жоспарланып отыр. Бұл шамамен 10 шілдеге қарай іске асырылады, деп хабарлайды елорда әкімдігінің сайты CTS-ке сілтеме жасап.
Қоғамдық көлік үшін бөлінген жолақты енгізуді әзірлеу кезінде жолдың жүктемесі және көше-жол желісінің техникалық мүмкіндігі ескерілді.
Қазіргі уақытта Мәңгілік ел даңғылы – қала тұрғындары тығыз орналасқан аудан. Бұл даңғылмен 20 бағдар жүреді. Қаланың басты даңғылының жолаушылар ағыны тәулігіне 88 мың адамды құрайды.
Бұл қаладағы 28-інші Bus Lane болмақ. Қазіргі уақытта көрсетілген учаскеде жолақтарды сызу және жол белгілерін орнату жұмысы жүргізіліп жатыр.
Абылайхан Жұмашев
1993 жылы 15 қарашада Атырау облысы Индер ауданында дүниеге келген.
Фараби атындағы ҚазҰУ түлегі. А. Байтұрсынұлы атындағы Тіл білімі институтының магистрі.