АСТАНА. ҚазАқпарат - Бүгін Астанада өтіп жатқан халықаралық «Qazaqstan Hockey Open 2023» турнирінде Беларусь құрамасы Ресейден басым түсті, деп хабарлайды ҚазАқпарат тілшісі.
Кездесу барысында Беларусь хоккейшілері Ресейді 6:4 есебімен тізе бүктірді.
Беларусь сапынан Никита Пышкайло 2, Тимофей Ковгореня 25, 48, 57, Сергей Сапего 33, Егор Игнатенко 52, Сергей Заягин 55-минутта мергендік танытты.
Ал, Ресей сапынан Валентин Зыков 12, Андрей Чивилев 27, Марат Хайруллин 46, 53-минутта көздеген нысанадан мүлт кеткен жоқ.
Осылайша, Беларусь құрамасы қарсыласынан 7:4 есебімен басым түсті. Енді олар 7 мамырда Қазақстанмен кездеседі.
Еске салсақ, 5 мамырда Ресей құрамасы қазақстандықтарды 3:0 есебімен жеңген еді.
Айта кетейік, 13 мамырда қазақстандық хоккейшілер Финляндияның Тампере және Латвияның Рига қаласында өтетін әлем чемпионатында В тобындағы ойынын бастайды. Қарсыластары – Канада, АҚШ, Швейцария, Словакия, Латвия, Норвегия және Словения.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.