НҰР-СҰЛТАН. ҚазАқпарат - Шайбалы хоккейден елордалық «Барыс» алдағы маусымға дайындық жоспарын бекітті. Команда демалыстан 14 шілдеде шығады, деп хабарлайды ҚазАқпарат тілшісі.
Алғашқы екі күнде хоккейшілер медициналық тексеруден өтеді. Ал 16 шілдеге тест тапсыру жоспарланған. Содан кейін елордада 17 шілдеден 15 тамызға дейін оқу-жаттығу жиынының бірінші кезеңі басталады.
Команда 16-20 тамыз аралығында Қазақстан Республикасы Президентінің Кубогында ойнайды. Турнирге Ресейдің «Автомобилист», «Металлург» (Магнитогорск), «Нефтехимик» (Нижнекамск) және Қытайың «Куньлунь Ред Стар» (Бейжің) командалары қатысады.
Келесі кезекте 21-23 тамыз аралығында «Барыс-Аренада» оқу-жаттығу жиынының екінші кезеңі өтеді.
«Барыс» 24-27 тамыз аралығында Ресейдің Челябі облысы губернаторының кубогында ойын көрсетеді. Қарсыластары - Ресейдің «Металлург» (Магнитогорск), «Автомобилист» (Екатеринбург) және «Трактор» (Челябі).
Құрлықтық хоккей лигасы маусымының ашылуы 1 қыркүйекке белгіленген.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.