НҰР-СҰЛТАН. ҚазАқпарат - Елордалық «Барыс» құрамына жаңадан хоккейші қосылып, бірқатар ойыншылар келісім-шарт мерзімін ұзартты, деп хабарлайды ҚазАқпарат тілшісі команда сайтына сілтеме жасап.
Шабуылшы Мэтт Фрэттин енді елордалық клуб намысын қорғайды. Келісімшарт 2021 жылдың 30 сәуіріне дейін жасалған. Канадалық хоккейші бұдан бұрын 2017-2019 жылдарда ойын көрсеткен. Былтыр ол Ресейдің «Ак Барс» командасында мұз айдынға шықты.
Сондай-ақ, елордалық клуб қорғаушы Егор Шалапов, шабуылшы Никита Михайлис, Роман Старченко, Антон Некрич, Аркадий Шестаков, Иван Верещагин келісімшарт мерзімін ұзартты.
Әзірге «Барыс» командасына жаңа бапкер тағайындалған жоқ. Елордалық клубқа екі жылдай жетекшілік жасаған Андрей Скабелка енді Ресейдің «Локомотив» (Ярославль) клубын жаттықтырады.
Фото ainews.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.