Өткізілген іс-шараның басты мақсаты – өмірлік қиын жағдайға тап болған аналарға моральдық қолдау көрсету, оларға сенімділік пен жан жылуын сыйлау.
Елорданың Жұмыспен қамту және әлеуметтік қорғау басқармасының басшысы Сәуле Нұрғожина мерекемен арнайы құттықтап, гүл шоқтарын сыйлады, сол сияқты орталық қызметкерлерін алғыс хаттармен марапаттады. Өз кезегінде орталық директоры Ғалихан Куканбеков те жиналған жандарды мерекемен құттықтап, демеушілерге қолдау көрсеткені үшін алғыс білдірді.
Сондай-ақ, іс-шарада нәзік жандылар керемет қойылым көрсетті, ал балалары аналарына өз қолымен жасалған сыйлықтарын табыс етті.
Мерекелік концертті өткізуге Нұр-Сұлтан қаласы әкімдігінің Мемлекеттік Академиясы филармониясының әртістері қолдау көрсетті.