деп хабарлайды ҚазАқпарат тілшісі.
Б.Есенбай тамыздың 21-інен бастап «Денсаулық сақтау мәселелері жөнінде ҚР кейбір заңнамалық актілеріне өзгерістер мен толықтырулар енгізу туралы» ҚР заңы күшіне енгендігін еске салды. Егер бұрын-соңды алкогольдік өнімдер 18 жасқа толмаған адамдарға сатылмаса, енді жаңа заңнама бойынша 21 жасқа толмағандарға сатылмайды. «Сонымен бірге, жұмыс күндері 23:00-ден 08:00-ге дейін, демалыс және мейрам күндері 24:00-ден 08:00-ге дейін алкогольдік өнімдерді сатуға сауда үйлерінде, барларда, мейрамханалар мен дәмханаларда ғана рұқсат етілген. Аталған уақыттарда дүкендерде, шағын маркеттер мен киоскілерде сатуға тыйым салынған», - деп атап өтті басқарма бастығы.
Б.Есенбайдың айтуынша, Астана ІІД қызметкерлерінің талаптарын сақтау мақсатында прокуратурамен және кәсіпкерлік басқармасымен бірлесіп, жедел-алдын алу шаралары қолға алынған. Атап айтқанда, кеше 5 елордалық дүкенді тексеру барысында 19 жасар жасөспірімге сыра сату фактісі анықталды. Дүкеншіге әкімшілік хаттама толтырылды.