Астана аумағында есік құлыптарын бұзу арқылы пәтер тонаумен айналысқан ұрылардың Екібастұз қаласының тұрғындары екендігі анықталған.
"Олардың жеке заттарын тексеру барысында елорда пәтерлерінің бірінен жоғалған мүліктер мен қылмыс құрал-жабдықтары табылды. Сонымен қатар ұсталғандардың тұрып жатқан жерлерін тексеру барысында ұрланған алтын бұйымдар, тұрмыстық және оргтехникалар табылды", дейді ол.
"Қолға түскен азаматтар бұған дейін де түрлі санаттағы жасаған қылмыстары үшін жазасын өтегендер екендігі анықталды. Олар жасаған қылмыстарын мойындап отыр. Қазіргі уақытта олардың басқа да қылмыстарға қатыстығын тексеру жұмыстары жүргізілуде", деп атап өтті Н.Ораз.