АСТАНА. Желтоқсанның 10-ы. ҚазАқпарат - Елорданың Әл-Фараби шағын ауданында электр энергиясының апатты ажырауы орын алып, үш тұрғын үй жарықсыз қалды,
деп хабарлайды ҚазАқпарат Төтенше жағдайлар министрлігіне сілтеме жасап.
Министрліктің хабарлауынша, оқиға кеше кешкісін Астананың Алматы ауданында орын алып, сағат 22:30-да электрмен жабдықтау толығымен қалпына келтірілген. Төтенше жағдайды реттеуге қалалық электр желісінің апаттық бригадасының 3 маманы мен 1 техникасы жұмылдырылған.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.