АСТАНА. 18 наурыз. ҚазАқпарат - Бейсенбі күні түнде насостық-фильтрлік стансаның диаметрі 400 мм-лік қоғалтқышының ақаулы болуы салдарынан Астананың негізгі көшелерінде орналасқан үйлерді сумен жабдықтау жүйесі ажыратылды.
Бұл ақпаратты ҚР ТЖМ баспасөз қызметі таратып отыр.
Атап айтқанда, Иманов, Кенесары, Фурманов, Сейфуллин, Уәлиханов көшелеріндегі, Абай, Республика, Бөгенбай батыр даңғылдарындағы және «Молодежный» шағын ауданындағы үйлер бірнеше сағатқа сусыз қалды. Дегенмен таңғы сағат 3-те сумен жабдықтау жүйесі толығымен қалпына келтірілді.
Төтенше жағдайдың алдын алуға «Астана су арнасы» МКК-нің 10 маманы мен 3 техникасы жұмылдырылды.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.