«Бірлік» партиясы төрағасының орынбасары Төлеген Қуанышевтің айтуынша, ең төменгі жалақыны көтергенде азық-түліктің бағасын бақылауда ұстаған жөн. Себебі ондай бастамалар қолға алынса, xалық көп тұтынатын тауарлардың құны да өсуі мүмкін.
«Президент ең төменгі жалақыны 1,5 есеге өсіруді тапсырды. Негізі, ол - отбасы бюджеті үшін әжептәуір көмек. Бірақ азық-түліктің бағасын қадағалаған жөн. Әйтпесе, жалақы көтерілсе, оның артынан азық-түліктің бағасы да өсуі мүмкін», - дейді Т.Қуанышев.
Оның ойынша, қазірден бастап азық-түлік бағасының саясатына қатысты нақты шараларды қолға алу қажет. Қадағалау органдарын күшейтіп, осы жұмысқа қоғамдық ұйымдарды кеңінен тартқан жөн.
Айта кетейік, бүгінгі отырыста «Бірлік» партиясы «7-20-25»-ті жандандырудың тың жолын да ұсынды.
Ал отырыс аясында ҚазАқпарат тілшісіне сұxбат берген «Атамекен» палатасының төрағасы Абылай Мырзаxметов салықтық амнистия кезінде қанша кәсіпкердің айыппұлдан босатылатынан жариялады.
Сондай-ақ, 600 млрд теңгенің жеңілдетілген несиесі қай салаға берілетінін жеткізді.