Енелер келіндерден қорғану үшін ұйым құрды
19:34, 07 Қыркүйек 2009
АСТАНА. Қыркүйектің 7-сі. ҚазАқпарат - Үндістанда келіндердің кесіріне және қоғамда қалыптасып қалған таптаурын пікірге қарсы күресу үшін Енелердің құқықтарын қорғаудың бүкілүнділік форумы құрылды,
деп хабарлайды ресейлік «Жаңалықтар» агенттігі.
«Үндістанда енелер барлық зұлымдықтың көзі, қыз-келіншектердің көз жасының себебі ретінде қабылданады. Ал іс жүзінде енелер келіндерінен зәбір көріп жатады», - деп мәлім етті жаңа ұйымның үйлестірушісі Нина Дхулия ханым.