АСТАНА. 14 ақпан. ҚазАқпарат - 17 ақпанда Л.Гумилев атындағы Еуразия ұлттық университетінде «Еуразия дауысы» байқауы өтеді, деп хабарлады білім ордасының баспасөз қызметінен.
«Еуразия дауысы» байқауында оқытушы-профессорлар құрамы, қызметкерлер өнерлі студенттермен қосылып қос дауыста ән айтады. Бұл байқау университетте тұңғыш рет ұйымдастырылып отыр.
Байқау мақсаты: студент жастардың рухани дүниеге тарту, шығармашылық әлеуетін арттыру. Сайысқа университет ректоры және проректорлар қатысады.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.