Оның айтуынша, ҚР СІМ-нің басшысымен болған келіссөздердің барысында серіктестік пен ынтымақтастықты нығайту мәселелері, сондай-ақ тараптар арасындағы мәдени, коммерциялық және сауда айырбастарын кеңейту мәселелері талқыланды. Бұған ЕО пен ҚР арасындағы визалық режимді жеңілдету септігін тигізеді.
Сонымен қатар ЕП-тің ОА бойынша делегациясының басшысы визалық режимді жеңілдету - ЕО-ға мүше болып табылатын 27 мемлекет, сондай-ақ Шенген келісімдеріне қатысушылар арасындағы келісушілікті талап ететін өте күрделі әрі кешенді мәселе екенін атап өтті. П.Бартолоцци онымен қоса бұл мәселенің шешілетініне сенімін білдірді.