Ер адамдар отқа оранды - ҚР ТЖМ

АСТАНА. 24 қаңтар. ҚазАқпарат - Бүгін түнде Астанадағы «Фэмили-2» коттедж қалашығының аумағында баспана ретінде жабдықталған контейнерде (40 тонна) 30 шаршы метр аумақта өрт болды, деп хабарланды ҚР ТЖМ-нан.

Өрт бір сағаттан кейін сөндірілді. Тілсіз жауды ауыздықтауға ҚР ТЖМ Астана қаласы бойынша ТЖД өртке қарсы қызметінің 17 адамы мен 2 техникасы, ҚР ТЖМ «Апаттық медицина орталығы» ММ-нің 3 адамы мен 1 техникасы жұмылдырылды. Өртті сөндіру кезінде 36 жастағы ер адамның мәйіті табылды, тағы бір ер адам - марқұмның туысы иіс тиіп уланумен ауруханаға жеткізілді.

Бүгін түнгі сағат 02.00-де Ақтөбе қаласында 5 қабатты көппәтерлі тұрғын-үйдің жертөлесінен өрт шықты. Жалын 20 минуттан кейін сөндірілді. Оны ауыздықтауға ҚР ТЖМ Ақтөбе облысы бойынша ТЖД өртке қарсы қызметінің 7 адамы мен 1 техникасы жұмылдырылды. Тілсіз жауды ауыздықтау кезінде шамамен 45-55 жастардағы ер адамның мәйіті (жеке басы анықталмаған) анықталды.