АСТАНА. KAZINFORM — Ерасыл Қажыбаев Астанада өтіп жатқан дзюдодан Qazaqstan Barysy Grand Slam турнирі финалына шықты.
Жарыста 100 келіден жоғары салмақта сынға түскен ол енді финалда жапониялық Ота Хёгамен кездеседі.
Сондай-бүгін 100 келіде Бекжан Байтас пен Марат Байқамұров қола жүлдеге күресу мүмкіндігін алды.
Финал сағат 17:00-де басталады.
Айта кетсек, қазірге дейін Ғұсман Қырғызбаев (66 келі) пен Талғат Орынбасар (60 келі) күміс алса, Аман Бақытжан және Мағжан Шамшадин, Есет Қуанов (73 келі), Абылайхан Жұбаназар (81 келі) қолаға қол созды.
Аталған жарыс нәтижесінде IJF ережелеріне сәйкес жарыстың жеңімпаздары мен жүлдегерлері арасында әлемдік және олимпиадалық рейтингілерде ұпайлар бөлінеді. Атап айтқанда, І орын үшін — 1 мың, күміс жүлдегерге — 700, ал қола медаль алғанға 500 ұпай есептеледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.