АСТАНА. 13 маусым. ҚазАқпарат - Түркия Премьер-Министрі Реджеп Тайып Ердоған Ыстамбұлдың орталығына жиналған шерушілерге соңғы ескерту айтып, Гези саябағының аумағын тастап шығуға шақырды. Бұл жайында Утро.ру хабарлады.
«Біздің шыдамымыз шегіне жетті. Мен соңғы рет ескертемін. Ата-аналар сіздерден өз балаларыңызды алып кетулеріңізді өтемін», - деді премьер телеарна арқылы.
Бұдан сәл ертерек Р.Ердоған Түркияға зиян шектіретін жайттарға шыдамдылық танытпайтындығын айтып, елдің ішкі істер министріне 24 сағатта Гези саябағындағы наразылықты тоқтатуға бұйрық берген еді.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.